ӘДІСТЕМЕЛІК КЕҢЕС ОТЫРЫСЫ

ӘДІСТЕМЕЛІК КЕҢЕС ОТЫРЫСЫ

Жетісу облысы Панфилов ауданы Жаркент қаласы “Б.Момышұлы атындағы орта мектеп - гимназиясы мектепке дейінгі шағын орталығымен” коммуналдық мемлекеттік мекемесінде 2024 жылдың 4 қаңтарында сағат 9.00-де әдістемелік кеңес отырысы өтті. 

Қаралған мәселелер: 

Әдістеме саласы бойынша II тоқсан, I жарты жылдықта атқарылған жұмыстардың қорытынды есебі: 

Баяндамашы: ДӘІЖО Г.С.Батырбекова

 «Сабақты зерттеу және оның тәсілдері мен жолдары» 

Баяндамашы: тарих пәнінің мұғалімі М.А.Ауесбаева 

Озат іс-тәжірибе таратқан мұғалімдердің есебі: 

Баяндамашы: қазақ тілі пәнінің мұғалімі М.Ж.Бердіғұлова

 «Жас маман ізденістері мен жетістіктері» Баяндамашы: ағылшын тілі пәнінің мұғалімі С.Алиханова

Әртүрлі мәселелер

     Шешім:

1.1.Әдістеме  саласы  бойынша  ІІ тоқсан, І жарты  жылдықта  атқарылған жұмыстардың  қорытынды  есебі «қанағаттанарлық» деп танылсын.

1.2.Әдістемелік жұмыстар жоспар бойынша іске асырылсын.

2.1.Жас ұрпаққа  сапалы  білім  мен  саналы  тәрбие  беруде  ең  алдымен мұғалім өзінің  кәсіби  шеберлігін, әрдайым  өзінің  білімін  жетілдірсін, заманауи көзқараспен  шығармашылық жұмыстар жүзеге асырылсын.

2.2. Оқушының тұлғалық және танымдық қабілетін дамыту мақсатында жұмыс жүргізу пән мұғалімдеріне жүктелсін.

3.1.Жаңашыл  мұғалімдер  оқушылардың  бойына  өз бетімен  білім  алу, өзін-өзі реттеу дағдыларын  қалыптастыруға  бағытталған  М.Ж.Бердіғұлованың баяндамасы  басшылыққа алынсын.

3.2. Жаңа педагогикалық технологияларды меңгеру, оны мектеп ішінде кеңірек тарату, сабақта қолдану жұмыстары міндетті түрде іске асырылсын.

4.1.Тәлімгер  мен  жас маман  арасындағы  жоспарлы жұмыстар  жүйелі түрде жолға қойылсын.

4.2.Жас мамандардың сабақтарына қатысып, сабақ беру деңгейін, әдіс-тәсілдердің дұрыс қолданылуын бақылау тәлімгерлерге  жүктелсін.

4.3.Жас мамандардың тәжірибелі ұстаздардың сабақтарына қатысулары  жандандырылсын деп қортындылады директордың әдістемелік ісі жөніндегі орынбасары Батырбекова Г.С.