27
февраль
2024
Кітап сыйлау—жақсы дәстүр
Кітап сыйлау—жақсы дәстүр
Жетісу облысы, Панфилов ауданы "Б.Момышұлы атындағы орта мектеп-гимназиясы МДШО" КММ
14 ақпан – Халықаралық кітап сыйлау күні. Яғни адамдар бір біріне құрмет пен сыйластықтың белгісі ретінде сыйлыққа кітап ұсынатын күн. Кітап – адамзат қоғамының ұлы жетістігі, ұлы ұстазы. Кітап сыйлау дәстүрі туралы айтқан кезде мына жағдайды ескеруіміз керек: кітап басып шығару өндірісі жолға қойылу тарихы сегіз ғасырға, ал кітапты қол еңбегімен беттеп-қаттап құрастырып, оны көбейтіп көшіріп оқудың тарихы ондаған ғасырға кетеді дегенімізбен, кітап сыйлау күні – салыстырмалы түрде өте жас. Яғни бұл бүгіннен, 2012 жылдың 14 ақпанынан бастау алады. Бұл күнді белгілеп өткізудің мән-мағынасы – адамдар бір-біріне, әсіресе ересектердің балаларға кітап сыйлау арқылы оларды кітап оқу дағдысына баулу және өзара мәдени сипаттағы жылы қарым-қатынасты дамыту болып саналады.
Дүниежүзі халқы тарапынан қызу қолдау тауып, қалыпқа ене бастаған бұл ізгі мерекенің тұңғыш бастамашысы – АҚШ-тың Эмми Бродмур деген әйел заты екен. Ол сонымен қатар АҚШ-тағы балалар кітаптары сайтының да негізін қалаушы.
«Ебепке себеп» демекші, әрбір жаңадан туып қалыптасқан дүниенің шығуына түрткі болатын себеп болады. Осы сияқты, үш баланың анасы Эммидің басына да кітап сыйлау күнін белгілеу туралы идея кездейсоқ келген тарихы бар екен...
14 ақпан – Халықаралық кітап сыйлау күніне орай Біз "Шежіре" тарих пән бірлестігі кітап сыйлау эстафетасын бастадық. Осы эстафетаны "Аманат" қазақ тілі мен әдебиеті пән бірлестігіне жолдаймыз! 14 ақпан 2024 жыл.
Халықаралық кітап сыйлау күні